Поради силен ветер летна лимената конструкција од кровот на Средното општинско училиште (СОУ) „Јосиф Јосифовски“ во Гевгелија, а ги подигна и лимовите од кровот на една градинка, соопшти Центарот за управување со кризи (ЦУК).

Оттаму велат дека нема повредени лица, побарана е интервенција од службени лица од МВР, како и од надлежните институции.

„За настанот се известени Територијалната противпожарна единици Гевгелија, ЕЛС Гевгелија и Полициската станица Гевгелија, кои ќе преземат понатамошни мерки согласно своите надлежности“, велат од ЦУК.