Возачот кој синоќа полицијата го приведе по демонстрациите во центарот на Скопје е пуштен на слобода, сопшти на својата Фејсбук страница организаторот на протестите #ШаренаРеволуција. И комбето е ослободено. Полицијата запленила само канти со бои и ластици од чаталот.
Во текот на ноќта помала група активисти на Шарената револуција ја обои фасадата на новата барокна зграда покрај Вардар на Јавното обвинителство со кое раководи Марко Зврлески.
На комбето кое беше запленето се монтираат звучници и од него се пушта музика за време на антивладините протести што повеќе од месеципол се организираат секое попладне во главниот град. Полицијата се надеваше дека во него ќе го најде чаталот кој се користи за боење на зградите од поголема далечина.
Истражните органи во текот на ноќта побарале од судија во претходна постапка да одобри наредба за претрес на комбето, кое заедно со возачот се држеше заробено во полициската станица „Пролет“. За тоа време стотина демонстранти, меѓу кои и членови на СДСМ протестираа пред полициската станица и бараа ослободување на активистот.
Додека траеја протестите
Коментари