Министерството за финансии на упатувањето од Владата да прашаме во Финансии дали отсутниот вицепремиер за добро владеење Арбен Фетаи прима плата за недоаѓањето на работа, за САКАМДАКАЖАМ.МК одговори дека на тоа прашање може да одговори само Владата, а не тие.
Вицепремиерот Фетаи ги повредува сите закони (Закон за работни односи, Закон за плата и другите надоместоци на избрани и именувани лица) со непојавувањето на работното место повеќе од два месеца.
Премиерот Христијан Мицкоски повеќепати деновиве одбива да одговори колку точно време Фетаи не доаѓа на работа, додека сè уште е вработен и додека сè уште пред Собранието нема предлог за негово разрешување. Го штити и со неодговарање на прашањето: дали зема плата за тоа што не оди на работа?
Ни владината прес-служба не одговара на овие прашања, а молк има и денеска откако Министерстовото за финансии ни кажа да не нè препраќаат од Влада кај нив за Фетаи, бидејќи како што наведуваат во одговорот, налозите за плата ги потпишува буџетскиот корисник, во случајов Владата.
„Почитувани, во врска со Вашите прашања Ве известуваме дека платата на избраните и именуваните лица е регулирана и се исплаќа согласно на Закон за плата и другите надоместоци на избрани и именувани лица. Налогот за исплата на плати го подготвува соодветниот буџетски корисник и се реализира преку Трезорот на МФ согласно законските прописи“, ни одговорија од Министерството за финансии.
- СЛЕДНАТА НЕДЕЛА ЌЕ СЕ ВИДАМ СО АРБЕН ФЕТАИ, РЕЧЕ МИЦКОСКИ И НЕ КАЖА ДАЛИ ВИЦЕПРЕМИЕРОТ ЗЕМА ПЛАТА ИАКО НЕ ОДИ НА РАБОТА
- ВИЦЕПРЕМИЕРОТ АРБЕН ФЕТАИ НЕ СЕ ПОЈАВИ НИТУ НА ПРАТЕНИЧКИ ПРАШАЊА, ОПОЗИЦИЈАТА ПРАШУВА КОЈ МУ ГИ ПЛАЌА ЕГЗОТИЧНИТЕ ПАТУВАЊА ДОДЕКА НЕ ДОАЃА НА РАБОТА
Дигиталната редакција САКАМДАКАЖАМ.МК побара одговор од Финансии дали вицепремиерот за добро владеење Арбен Фетаи зал плата за минатиот месец, со оглед на тоа дека со недели не се појавува на работа, и ако зел, дали е таа евентуално намалена и за колку, по насоки од Владата.
На седницата за пратенички прашања од опозицијата на 18 мај, потпретседателот на Собранието Антонијо Милошоски на пратеничката од СДСМ Даниела Николова која праша кај е човеков и дали зема плата, ѝ кажа дека ќе ѝ биде одговорено на писмено.
С. К. ДЕЛЕВСКА
