Проблемот со името со Грција треба да биде решен и притисок во преговорите не е потребен, имам впечаток дека кај двете страни има интерес да се реши проблемот, рече германската канцеларка Ангела Меркел на заедничката прес-конференција со премиерот Зоран Заев по нивната средба во Берлин.

„Јавните изјави можат да штетат на процесот. Компромисите се болни, но тие мора да се реализираат. Тоа подразбира висока дипломатска уметност и не треба да се зборува на прес-конференции, туку зад затворени врати“, рече канцеларката Меркел.

За најавениот можен датум за завршување на преговорите на шесте земји од Западен Балкан за влез во ЕУ, германската канцеларка рече дека Европа ја интересира само брзината на исполнувањето на поставените услови, не бројки кога тие ќе се исполнат.