Со читање на вибер и смс пораките од телефонот на тогашниот претседавач Трајко Вељаноски денеска продолжи судењето за организираниот напад во Собранието на 27 април лани.
Вељаноски, кој не е меѓу 33-цата обвинети за терористичко загрозување на уставниот поредок и безбедноста, му пишува смс на обвинетиот Горан Ѓошевски на 27 април во 17.48: „Бидете на штрек!“
По една минута, Ѓошевски до Трајко: „Сите знаат, и од МВР“.
Трајко во 18.04 му пишува на Ѓошевски: „Кажи им на внатрешното да влезат два тројца внатре и да не дозволуваат да седнат на моето место!“.
Во вибер комуникација, пратеникот на ВМРО-ДПМНЕ Димитар Стевананџија на 3.02. 2017 испраќа порака на Трајко:
„Миле на еден час пушта пораки во групава“.
Трајко му враќа: „За што?“.
Стевананџија му одговара: „Дали се збираат по штабови?“.
Трајко: „Се збираат мислам“.
Стевананџија истиот ден: „А тие имаат состанок по Македонија за кандидати за градоначалници и советници“.
Стевананџија до Вељаноски истата вечер: „Тоа е збирањето“.
На 24.02.2017 по вибер: „Како е работата? Се спремате? ”
Стевананџија му одговара: „Тврдокорни!“.
Пишува нова порака и натаму по вибер: „Се чекаат насоки“.
Трајко: „Важно, спремни“.
Стевананџија: „Да, да“.
Трајко: „И ратоборни“.
Стевананџија: „Е, нема друг избор“.
Пак Стевананџија: „Ама треба добра организација“.
Трајко: „Да“.
Стевананџија до Трајко и натаму: „Вака, никој ништо не знае“.
Стевананџија: „Мора да има водачи“.
Трајко: „Кредибилен“.
Стевананџија: „Не со спот на јутјуб“.
Пак тој до Трајко: „И критична маса од СК“.
С. К. ДЕЛЕВСКА
