Германскиот истражувачки центар за вештачка интелигенција (ДФКИ) развива неколку системи на вештачка интелигенција кои можат да помогнат во откривањето на пластичниот отпад што лебди на површините на светските океани. Како дел од проектот ПластикОбс+, технологијата треба да биде прикачена на авионите за набљудување за следење на океаните. Според центарот, првите пробни летови биле задоволителни.
Долгорочната цел на ДФКИ е да ги опреми авионите за надзор што се користат ширум светот со технологија за сензори поддржана од вештачка интелигенција. Ова за првпат ќе овозможи континуиран и сеопфатен попис на пластичниот отпад.
Проектот, предводен од истражувачкиот центар, е финансиран од германската влада со 1,9 милиони евра во текот на три години.
„Очекуваме да имаме оперативен прототип до крајот на проектот во март 2025 година“, рече водачот на проектот Кристоф Толен.
