Германската биатлонка Џулијан Фривирт се надева дека редовно ќе се натпреварува во Светскиот куп следната сезона откако закрепна од трансплантацијата на јазикот.

На 21 март, таа паднала додека скијала во неповолни услови во Австрија, при што со скијачки стап си го прободела левиот образ. Притоа ѝ бил откинат дел од јазикот и ги скршила вилицата, јаболчната коска и предните заби.

„Сакам да се етаблирам во Светскиот куп, но тоа веќе не е задолжително. Она што другите луѓе го мислат или го очекуваат од мене веќе не ми е толку важно“, изјави 26-годишната Фривирт.

Таа го извадила стапот од лицето и дури кога сфатила дека не може да повика помош, знаела дека е сериозно. Прво била пренесена со хеликоптер во клиника во Цамс, од каде што заминала во Инсбрук на операција.

„За време на операцијата ги имав најлошите болки во мојот живот. Парче јазик сè уште беше закачено на стапот. Јазикот ми беше толку отечен по операцијата што зглобовите на вилицата ми беа изместени”, рече Фривирт.

По трансплантацијата на јазикот, таа морала повторно да научи да голта и пие. Сега само мала лузна на образот е потсетник на повредата.