Шестмина спортисти ќе ја претставуваат Македонија на претстојните Олимписки игри во Париз, кои се отвораат на 26 јули, потврди Македонскиот олимписки комитет.

Маратонецот Дарио Ивановски е првиот македонски атлетичар кој ќе настапи на ОИ со обезбедена норма, што му успеа и на борачот Владимир Егоров, европски првак од 2022. Шеснаесетгодишниот пливач Никола Ѓуретановиќ е најмладиот член на екипата, а ќе настапи на 400 метри слободно.

Теквондистката Милијана Рељиќ ќе биде знаменосец на отворањето на ОИ заедно со Ивановски, а во тимот се и џудистот Еди Шерифовски и стрелачката Анастасија Мојсовска.

Покрај нив, на ОИ ќе бидат и четворица македонски судии: Славе Николов и Ѓорѓи Начевски во ракомет, Анета Павловска во тенис и Иван Михајловски во триатлон.

Први на борилиштата излегуваат Ѓуретановиќ и Мојсовска, чии настапи се на програмата на 27 јули.