Манчестер Јунајтед е првиот учесник на европскиот Суперкуп во Скопје на 8 август, откако вечерва во финалето на Лига Европа го победи Ајакс со 2:0.

Пол Погба и Хенрик Мхитарјан беа стрелци за тимот на Жозе Мурињо на „Френдс арена“ во Стокхолм. Со триумфот против Ајакс, Манчестер Јунајтед првпат во својата историја ја освои титулата во Лига Европа, натпреварување кое претходно се викаше Куп на УЕФА. Најтрофејниот англиски тим Европскиот Суперкуп досега го има освоено само еднаш и тоа во 1991 година, кога славеше со 1:0 против Црвена Звезда.

Вториот учесник на Суперкупот ќе се дознае на 3 јуни, кога во финалето на Лигата на шампиони во Кардиф ќе се сретнат Реал Мадрид и Јувентус.