Марин Чилиќ се пласираше во полуфиналето на Отвореното првенство на Австралија, откако Рафаел Надал му го предаде четвртфиналниот меч во петтиот сет поради повреда. Во тие моменти, Хрватот имаше водство од 2:0 во гемови.

Шпанецот го побара првиот медицински тајм-аут во четвртиот сет, жалејќи се на болки во бутниот мускул.

Иако уште пред почетокот на турнирот призна дека не е стопроцентно подготвен, Надал поведе со 2:1 во сетови против Чилиќ, но откако зеде пауза, веќе не можеше да се движи нормално на теренот.

Ова е прва победа на Чилиќ над Надал од 2009 и негово прво полуфинале во Мелбурн од 2010 година. Таму ќе се сретне со големото изненадување Кајл Едмунд, кој претходно го исфрли третиот носител Григор Димитров.