Телото на ракометниот голман Никола Даниловски утрово беше извадено од водите на Охридското Езеро во близина на туристичката населба Лагадин.

„Последен поздрав од Ракометниот клуб Охрид за голманот Никола Даниловски-Џамбо. Засекогаш ќе бидеш еден од нас“, напишаа од неговиот клуб РК Охрид на Фејсбук.

Даниловски, кој беше и повремен репрезентативец, имаше 24 години, а претходно играше и за Металург и Еурофарм Пелистер.

Според првичните информации од полицијата, нема траги на насилство врз телото.