Во големата заедничка акција на Европол против трговија со деца за сексуална експоатација, присилно просјачење и експлоатација на труд се уапсени 70-мина, а во текот на акцијата идентификувани се 206 потенцијални жртви, од кои 53 се малолетни. Во операцијата под водство на Велика Британија учествуваа полициски сили од 15 земји членки на ЕУ, од Исланд и од Швајцарија.

Како што соопшти Европол, во акцијата изведена од 17-23 јуни, претресени над 127.000 поедници, 63.0000 возила и 1.100 локации, како приватни имоти, комерцијални поседи, хотели, автобуси и железнички станици, пристаништа, аеродроми и гранични премини. Изведени се и превентивни кампањи во училиштата за да се информираат децата за ризиците од трговија со луѓе.

Во акцијата 34-ца се уапсени за трговија со луѓе, а 36-мина за кражба, ширење материјал со сексуална експолатација на деца и помагање илегална имиграција, а покренати се 31 нов случај пред судовите во земјите учеснички.