По два дена опаѓање, Италија повторно забележа еднодневен пораст на бројот на мртви од КОВИД-19, откако во последните 24 часа починале 812 пациенти, 56 повеќе во споредба со вчера.
Со тоа вкупната бројка починати се зголеми на 11.591.
Од друга страна, значително е намален бројот на новозаразени, а зголемен бројот на излекувани.
Шефот на Цивилната заштита Анџело Борели извести дека уште 1.590 лица се излекувани од КОВИД-19, а вкупно 14.620 досега.
Во земјата се регистрирани и 4.050 нови случаи, дури 1.200 помалку во однос на вчера. Ситуацијата и натаму е најтешка во северниот регион Ломбардија, каде што во еден ден има 458 починати и 1.154 новозаразени.
