Една австрискa авиокомпании почна со најкратките редовни меѓународни линии во светот – осумминутен „скок“ преку езерото Констанца.

Летот, кој се нуди од „Пиплс Виеналајн“ го поврзува Сент Гален-Алтерхајн во Швајцарија со Фридрихсхафен во јужна Германија.  Тоа е дел од патот што продолжува понатаму до западниот германски град Келн, но патниците можат да го резервираат само краткиот дел за 40 евра.

Германската новинска агенција ДПА објави дека еколозите не се воодушевени од новата линија која почна да функционира во средата. Авиокомпанијата изјави дека возењето околу езерото за еден час произведува иста количина на загадување колку што и краткиот лет.