ДАЧИЌ МУ ЗАПЕА НА КОЅИЈАС И НА ГРЧКИ И НА СРПСКИ

    ДАЧИЌ МУ ЗАПЕА НА КОЅИЈАС И НА ГРЧКИ И НА СРПСКИКоѕијас го замолил Дачиќ да му ја отпее „Таму далеку“, затоа што „тоа било најубава песна на светот“ (Фото: принтскрин/БлицТВ)

    Министерот за надворешни работи на Србија, Ивица Дачиќ, синоќа организираше вечера во чест на својот грчки колега Никос Коѕијас, кој денеска доаѓа во Охрид на нова рунда преговори за името.

    Дачиќ има обичај да им отпее нешто на мајчин јазик на своите гости, но и самиот Коѕијас овојпат имал една музичка желба.

    „Тој го замоли Дачиќ да му ја отпее ‘Таму далеку‘, кажа дека тоа е најубавата песна на светот“, откри извор од вилата „Мир“, кадешто се одржала вечерата.

    Дачиќ не пропуштил прилика да отпее и нешто на грчки и, како што објави весникот „Блиц“, тоа била песната „Mi mu timonis matia mu“, по што му ја исполнил желбата на Коѕијас.

    Двајцата за утрово имаа закажано и официјална средба, пред денешното доаѓање на Коѕијас во Македонија, на средба со македонскиот шеф на дипломатијата, Никола Димитров.

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари