Пет илјади луѓе присуствуваа на маршот „Италија на плоштад“ во Милано на протест против високите трошоци за живот, a тензиите се зголемија откако кон полицијата беше фрлен дожд од камења. Полицијата употреби солзавец за да ги растера демонстрантите, при што беа оштетени излози на продавници. Плоштадот пред катедралата Дуомо беше евакуиран.

Во центарот на градот избија насилни судири, поради што туристите почнаа да бегаат. Според последните информации, неколку лица се повредени откако биле погодени од предмети што паѓале. Околу педесет демонстранти беа однесени во полициска станица.

Туристите бегаа од станиците на метрото, а сопствениците на продавници беа принудени да ги затворат своите објекти. Под споменикот на Виторио Емануеле беа запалени преносен тоалет и велосипед за јавна употреба. Врз нив беше поставено столче, каде некои од демонстрантите се фотографираа.