Две лица загинаа во денешното гранатирање во Киев, каде што мета била и фабрика за авионски делови. Државната служба за вонредни ситуации кажа дека деветкатна станбена зграда се запалила откако била ракетирана.
„Извлековме две тела од зградата во северозападниот дел на Киев, а три лица се превезени во болница“, кажаа од службата, додавајќи дека биле евакуирани речиси 70 луѓе.
Утрово била гранатирана и фабриката „Антонов“, која се наоѓа на аеродромот „Свјатошин“, десет километри од центарот на Киев.
За денеска е најавена нова рунда мировни преговори помеѓу Русија и Украина.
„Русија почна да разговара поконструктивно. Мислам дека ќе постигнеле некои резултати во наредните денови“, изјави советникот на Зеленски, Михајло Подољак.
И рускиот преговарач Леонид Слуцки кажа дека има значителен напредок и дека е можно да се постигнат начелни договори во скоро време. Досегашните разговори главно се фокусираа на хуманитарната криза.
