ЕКСТРЕМНИОТ ДЕСНИЧАР АЛЕКС ЏОНС ОСУДЕН ДА ПЛАТИ ОТШТЕТА ОД 50 МИЛИОНИ ДОЛАРИ ЗА ТВРДЕЊЕТО ДЕКА МАСАКРОТ ВО ШКОЛОТО ВО СЕНДИ ХУК БИЛ ЛАЖИРАН

    ЕКСТРЕМНИОТ ДЕСНИЧАР АЛЕКС ЏОНС ОСУДЕН ДА ПЛАТИ ОТШТЕТА ОД 50 МИЛИОНИ ДОЛАРИ ЗА ТВРДЕЊЕТО ДЕКА МАСАКРОТ ВО ШКОЛОТО ВО СЕНДИ ХУК БИЛ ЛАЖИРАНЏонс го тужеа родители на 6-годишно дете кое загона во маскарот во основното школо во 2012. (Фото: АП)

    Американскиот екстремнодесничарски теоретичар на заговор Алекс Џонс е осуден да плати отштета од 49,3 милиони долари (41 милион фунти) откако лажно тврдеше дека масакрот во училиштето Сенди Хук во 2012 бил измама. Поротата во Тексас пресуди дека радиоводителот мора да плати 45,2 милиони долари за казнена отштета, покрај 4,1 милион долари за компензаторна отштета што ја додели еден ден претходно.

    Со оваа пресуда за првпат Џонс е прогласен за финансиски одговорен за продавање лаги за масакрот, тврдејќи дека бил лажиран од владата за да ги заостри законите за оружје.

    Двонеделното судење за клевета беше по тужбата што ја поднесоа родителите на 6-годишно дете убиено во нападот. Дваесет деца и шест возрасни беа убиени во Сенди Хук во Конектикат.

    Тужбата ја поднесоа Скарлет Луис и Нил Хеслин, родители на шестгодишниот Џеси Луис, кој загина во пукотницата во основното училиште. Тужителите – кои рекоа дека претрпеле малтретирање и емоционална вознемиреност поради дезинформациите на основачот на Инфоворс – барале 150 милиони долари.

    Компензаторната отштета издадена во четвртокот требаше да ги покрие реалните трошоци за семејството предизвикани од клеветата на Џонс, како што е приватното обезбедување што го најмија за време на судењето поради страв од напад од поддржувач на Џонс.

    Луис рече дека Џонс – кој не беше во судницата за да ја слушне пресудата – е повикан на одговорност. Таа рече дека кога во судницата го погледнала Џонс в очи, помислила на нејзиниот син, кој беше заслужен за спасување животи викајќи „бегај“ кога убиецот за миг застанал во дивеењето.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира