Непознато лице фрлило експлозивна направа, најверојатно рачна граната врз зградата на амбасадата на САД во Подгорица, главниот град на Црна Гора, соопшти Владата на Црна Гора рано утринава.

Во порака на твитер на англиски јазик, Владата соопшти дека нападот бил половина час по полноќ и веднаш потоа напаѓачот се самоубил со експлозивна направа.

Фотографот на Ројтерс јавил дека нема видлива штета на зградата, ниту на околните објекти.

Амбасадата ги предупреди граѓаните на САД во Црна Гора да останат подалеку од амбасадата до следно известување.

Црна Гора во мај минатата година се придружи на НАТО.