„Гугл“ го отпушти инженерот кој тврдеше дека вештачката интелигенција има чувства. Минатиот месец, Блејк Лемоин излезе во јавност со неговата теорија дека јазичната технологија на „Гугл“ е чувствителна и затоа бара да биде почитувана.
„Гугл“ и неколкумина други експерти за вештачка интелигенција го негираа оваа и компанијата потврди дека вчера го отпуштила Лемоин.
„Тврдењата на Лемоин за нашата технологија ЛАМДА се целосно неосновани. И покрај бројни долги разговори со него на оваа тема, тој продолжи да ги нарушува јасните политики за безбедност на вработените и податоците“, соопшти компанијата.
ЛАМДА е напредна технологија за која „Гугл“ вели дека може да се впушти во течен разговор. Лемоин заклучи дека таа има свест налик на човечка.
„Открив дека ЛАМДА има самосвест и дека би можела да разговара за религија, емоции и стравови. Нејзините импресивни говорни вештини би можеле да произлегуваат од чувствителниот ум“, кажа Лемоин минатиот месец.