Хрватска од утре го запира целиот јавен превоз во земјата, во обидите да се спречи ширењето на коронавирусот.

Властите денеска објавија дека во земјата досега има 168 случаи на коронавирус, 40 повеќе во однос на вчера, а едно лице почина. Низ земјата се затворени и паркови и детски игралишта и полицијата патролира за да се спречи поголемо собирање на луѓе.

„Со оглед на зголемениот ризик од пренесување на коронавирусот при неговото користење, донесена е одлука за запирање на јавниот превоз во наредните 30 дена“, објави штабот на цивилната заштита.

Тоа ќе го опфати и автобускиот и железничкиот превоз низ земјата, како и трамваите во градовите.