Името на американскиот претседател Доналд Трамп е симнато од предната страна на Центарот „Кенеди“ во Вашингтон, откако судија нареди негово отстранување.

Центарот за уметност во судскиот поднесок изјави дека сега целосно ја почитува пресудата и дека името на Трамп повеќе не се појавува на нивната зграда, веб-страница или други материјали.

Името на претседателот Трамп е незаконски додадено на местото, утврди федерален судија минатиот месец и  нареди негово отстранување до 12 јуни.

Екипите завчера поставија скелиња додека се собираа набљудувачи, иако грмотевиците ја одложија работата до вчера. Обидот во последен момент од администрацијата на Трамп да ја паузира наредбата беше одбиен од судијата.