Италијанскиот премиер Марио Драги и неговата сопруга Марија Серенела Капело денеска ја примија првата доза од вакцината на „АстраЗенека“, додека земјата ја засилува својата програма за имунизација против ковид-19.

Италија беше меѓу земјите-членки на ЕУ кои неодамна привремено ја стопираа употребата на оваа вакцина поради загриженоста околу несакани ефекти.

Драги и неговата сопруга, двајцата 73-годишни, се вакцинираа во големиот центар за имунизација поставен во главната железничка станица во Рим.

Околу 3,04 милиони Италијанци се веќе целосно вакцинирани, а 3,6 милиони имаат примено една доза.