Изборниот колегиум ја потврди победата на Џо Бајден на претседателските избори во САД, давајќи му мнозинство од своите гласови.

Победата на Бајден беше зацементирана со гласањето на изборниот колегиум во Калифорнија, кој дава најмногу гласови од сите американски сојузни држави (55), овозможувајќи му да го надмине потребниот праг од 270 гласови. Бајден и Камала Харис имаат собрано 302 електорски гласови, 70 повеќе од Доналд Трамп и откако ќе заврши и гласањето во Хаваи, останува Конгресот и формално да ги прифати резултатите на 6 јануари.

На национално ниво, Бајден освои седум милиони гласови повеќе од Трамп, но според американскиот изборен систем, гласачите всушност гласаат за „електори“, кои потоа формално гласаат за кандидатите неколку недели подоцна.

„Во оваа битка за душата на Америка, демократијата превладеа. Народот гласаше. Вербата во нашите институции е зачувана. Интегритетот на нашиот изборен процес останува недопрен. И сега е време да свртиме нов лист, да се обединиме и зацелиме“, изјави Бајден во пресрет на своето обраќање до јавноста.