Во Израел веќе не мора да се носи маска во затворено, откако земјата ја укина една од последните рестриктивни мерки по успешната програма за имунизација против ковид-19. Маска ќе треба да се носи само во авион или кога се оди во карантин.

За шест месеци, Израел вакцинираше 85% од своето население, овозможувајќи повторно отворање на училиштата и бизнисите. На врвот на пандемијата, во земјата со повеќе од девет милиони жители имаше 88.000 активни случаи на зараза, а вчера, бројката изнесуваше 212. Израел во меѓувреме почна да ги вакцинира и децата меѓу 12 и 15 години.

Сепак, властите се претпазливи околу пуштањето на странски туристи во земјата поради новите варијанти на коронавирусот. Сите туристи мора да приложат доказ дека се вакцинирани и да се тестираат по доаѓањето.