Финскиот претседател Александeр Стаб и норвешкиот премиер Јонас Гар Стjоре потврдија дека имале заеднички телефонски разговор со рускиот лидер Владимир Путин, како дел од меѓународните напори за обезбедување крај на војната во Украина.

„Разговорот беше искрен и суштински. Ние сме соседни земји на Русија. Исходот од оваа војна ќе има директно влијание врз нашата и пошироката европска безбедност. Завршувањето на војната бара директни разговори“, изјави Стуб.

Разговорот се одржал во консултација со Киев, а двајцата лидери не зборувале како официјални претставници на Европа како целина.

Разговорите помеѓу САД, Русија и Украина треба да се одржат во Абу Даби следниот месец. Стјоре рече дека во разговорот со Путин ја нагласиле важноста на деескалација.

„Војната доаѓа со огромни човечки и материјални загуби. Страдањето и уништувањето ќе влијаат врз следните генерации“, додаде тој.

Кабинетот на Стуб го опиша разговорот како продолжение на разговорите во Осло на 20 октомври, во кои учествуваа и украинскиот претседател Володимир Зеленски и претставникот на Трамп, Стив Виткоф.

Западноевропските лидери се воздржуваа од контакти со Путин откако Русија ја започна војната во Украина во февруари 2022. Последниот верен европски поддржувач на Украина кој разговарал со Путин бил Емануел Макрон во јули 2025.