Германската авиокомпанија „Луфтханза“ ќе укине 20.000 европски летови во текот на летото, велејќи дека зголемените цени на горивата направиле многу патувања непрофитабилни.

Цената на авионското гориво се удвои од почетокот на војната на САД и Израел против Иран, бидејќи таа ги забави неговите производство и транспорт низ Блискиот Исток. Неколку авиокомпании, вклучувајќи ги „КЛМ-Франс“ и „Делта“, привремено скратија некои летови, додека други ги зголемија цените на билетите бидејќи ги префрлаат трошоците на клиентите.

Аналитичарите предупредија дека патниците треба да очекуваат понатамошно зголемување на цените на билетите и повеќе откажани летови додека конфликтот продолжува. Заливот е главен извор на гориво за авионите, сочинувајќи околу 50% од увозот во Европа. Најголемиот дел доаѓа преку Ормускиот Теснец, што Иран го затвори како одговор на нападите на САД и Израел.

Од „Луфтханза“ велат дека привремено ќе престанат да лета до и од Гдањск, Љубљана, Риека, Штутгарт, Трондхајм, Тиват, Вроцлав и други градови.

Меѓународната агенција за енергија минатата недела предупреди дека Европа може да остане без гориво за авиони за неколку недели.