МАКРОН ВОДИ ПО ПРВИОТ ИЗБОРЕН КРУГ, СЛЕДИ ДУЕЛ СО ЛЕ ПЕН НА 24 АПРИЛ

    МАКРОН ВОДИ ПО ПРВИОТ ИЗБОРЕН КРУГ, СЛЕДИ ДУЕЛ СО ЛЕ ПЕН НА 24 АПРИЛМакрон победи во првиот круг со 28,1 отсто од гласовите, а Ле Пен освои 23,3 отсто. (Фото: АП)

    Францускиот претседател Емануел Макрон ќе се соочи со екстремната десничарка Марин Ле Пен во вториот круг на претседателските избори во Франција на 24 април, откако денеска победи во првиот круг со 28,1 отсто од гласовите, според излезната анкета на Ипсос. Марин Ле Пен е втора со 23,3 отсто од гласовите, на изборите на кои имаше 12 кандидати од крајно лево до крајно десно во политичкиот спектар.

    Резултатот на Ле Пен е за 2 % подобар од оној во првиот круг во 2017, кога таа првпат му беше противкандидатка на Макрон. Во 2017, Макрон стана претседател откако ја победи Ле Пен со 66,1 % наспроти нејзините 33,9 % од гласовите.

    Екстремниот левичар Жан-Лик Меланшон е на третото место и далеку пред остатокот од групата со 20,1 отсто од гласовите, според сегашна проценка. Следниот е крајно екстремниот десничар Ерик Земур, кој на почетокот на оваа трка многу се прослави, а освои со 7,2 отсто гласови, пред конзервативната републиканка Валери Пекрес со 5 отсто, што е предвесник на големите промени кои доаѓаат за конзервативниот мејнстрим на Франција.

    До 17 часот гласале 65 отсто од регистрираните гласачи, што е за 4,4 поени помалку во однос на претходните избори во 2017 година.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира