Илон Маск објави дека на секое дете во САД ќе му даде една акција од неговата вселенска компанија „СпејсЕкс“ следната година, потег што би можел да вреди повеќе од 10 милијарди долари. Тој кажа дека подарокот ќе биде негова прва иницијатива од ваков вид од многуте, но не даде детали за тоа како ќе се спроведе планот.

Според најновите податоци од пописот на населението во САД, во земјата има нешто повеќе од 70 милиони луѓе под 18 години.

Богатството на Маск во моментов се проценува на повеќе од 900 милијарди долари и главно се состои од акции во неговите фирми „СпејсЕкс“ и „Тесла“. Вредноста на една акција на „СпејсЕкс“ денеска изнесуваше под 150 долари.

Објавата на Маск уследи откако конкурентската компанија за вештачка интелигенција „Антропик“ соопшти дека во прв момент ќе вложи 5% од своите акции во фонд од корист на јавноста.