Руската полиција жестоко се судри со демонстрантите во централна Москва во саботата, претепувајќи неколкумина и уапси повеќе од 1.000 кои протестираа поради недозволувањето на кандидатите од опозицијата да се најдат на гласачко ливче за избор на Градскиот совет (Дума) на Москва. Полицијата, исто така, упаднала и во телевизиска станица што вршела директен пренос од протестите.

Полицијата се судри со демонстрантите околу канцеларијата на градоначалникот, понекогаш пресметуваќи се со толпата со палки. Државните новински агенции ТАС и РИА-Новости објавија соопштенија на полицијата дека во текот на протестите што траеле 7 часа биле уапсени 1074 луѓе.

Заедно со апсењата на претежно млади демонстранти, биле упасени и неколку активисти на опозицијата кои сакаа да се кандидираат за градскиот совет.

Алексеј Навални, најзначајната опозициска личност во Русија, во средата беше осуден на 30 дена затвор за повикување на неовластен протест.