Авион на алжирската војска се урнал набргу по полетувањето од воздушната база Буфарик, сместена во близина на главниот град Алжир, и се стравува дека има голем број загинати.

Локалните медиуми објавија дека најмалку 105 тела се пронајдени на местото на несреќата. Се верува дека во авионот имало повеќе од 200 луѓе и, според извештаите, мали се шансите дека има преживеани.

Авион од типот „илјушин Ил-76“ превезувал припадници на армијата и опрема, кога се урнал во рани утрински часови 40-ина километри од главниот град.

Во Алжир и пред четири години се случи слична несреќа, кога во уривањето на воен авион загинаа 77 луѓе.