Најмалку 4 се загинати и 23 се повредени во Бугарија во експлозија по превртување на воз со цистерни полни со гориво во близина на железничката станица во Хитрино, во близина на Шумен, јави агенцијата БГНЕС.  Има и 20 разурнати згради во близина на железничкиот премин.

Несреќата се случила утрово околу 5.45 часот. Првичните информации се дека возот превезувал 26 цистерни со пропан бутан и пропилен. По превртувањето една од цистерните се запалила по што настанала експлозија. Дванаесетмина се извлечени од под урнатините.

БГНЕС јавува дека е можно бројот на загинатите да е поголем, оти областа наликува на бојно поле.