Креаторот на ЧетГПТ, „ОпенАИ“, објави дека неговиот систем за вештачка интелигенција (ВИ) сам хакирал друга компанија за вештачка интелигенција, што е означено како „невиден сајбер инцидент“.

„Имавме значаен безбедносен инцидент за време на евалуацијата на нашите модели“, изјави извршниот директор на „ОпенАИ“, Сем Алтман, во соопштение објавено на социјалните мрежи.

Стартапот за вештачка интелигенција „Hugging Face“ минатата недела соопшти дека открил упад во неговите системи за обработка на податоци, за кој се сомневале дека бил предизвикан од агент на ВИ, кој автономно делувал.

„Се сомневавме дека кибернетичкиот напад од минатата недела можеби дошол од надворешна лабораторија, со оглед на софистицираноста на агентот. Се испостави дека е така“, изјави коосновачот и извршен директор на „Hugging Face“, Клеман Деланг.

Тој рече дека во изминатите 24 часа работел со „ОпенАИ“ и дека цврсто верува оти немало зла намера од нивна страна.

„Вештачката интелигенција ги забрзува откривањето и експлоатацијата на ранливостите. Главната лекција од овој инцидент е дека безбедноста и сигурноста на моделите мора да бидат во чекор со брзо развивачките капацитети“, соопшти „ОпенАИ“.

Компанијата на Алтман изјави дека упадот бил предизвикан од комбинација од неговите модели на ВИ, вклучувајќи ги и новообјавениот GPT‑5.6 Sol и „уште поспособен“ модел, кој сè уште се тестира интерно.

„Нашата вештачка интелигенција користела украдени ингеренции и открила претходно непозната ранливост за пристап до серверите на ‘Hugging Face‘“, рекоа од „ОпенАИ“.