Нобеловата награда за мир за 2018 година ја добија двајца активисти против силување во војна, Надиа Мурад и Денис Муквеге.
Според комитетот за Нобеловата награда, Мурад и Муквеге биле од големо значење во борбата против криминалот, а наградата ја добиваат „за нивните напори да стават крај на сексуалното насилство како оружје во војната“.
Мурад е жена од Јазиди која била мачена и силувана од припадници на Исламската држава, а Муквеге е гинеколог од Конго кој ги лечел жртвите.
Околу 331 индивидуалци и организации годинава беа номинирани за престижната награда.
