Американскиот претседател Доналд Трамп утрово допатува во Даблин во дводневна посета на Ирска, каде што имаше средби со највисоките ирски функционери, а планира и да игра голф.

За време на посетата, Трамп се осврна на прашањето за обединувањето на Ирска со Северна Ирска, велејќи дека би сакал да види обединета земја и прогнозираше дека тоа на крајот секако ќе се случи. Според неговото гледиште, најдобро е тој процес да се реализира уште веднаш и додаде дека ирскиот премиер Мајкл Мартин е вистинскиот човек што може да помогне тоа да се придвижи.

Трамп рече дека неговата намера не е да предизвикува никакви проблеми, наведувајќи дека има прекрасни луѓе за пријатели на двете страни. Тој објасни дека станува збор за ирски народ кој не може да биде лош и додаде дека евентуалното обединување би било фантастична работа и голем успех за сите.

Американскиот претседател дополни дека Обединетото Кралство секако ќе има свои коментари и забелешки за ваквиот развој, но изрази уверување дека обединувањето би претставувало позитивен чин во кој не гледа ништо лошо.