Еден од летовите на Скандинавската авиокомпанија (САС) морал принудно да слета откако глушец излегол од оброкот на патник.
Авионот летал од главниот град на Норвешка Осло до Малага во Шпанија и принудно слетал во Копенхаген, Данска.
„Пренасочувањето беше во согласност со процедурите на компанијата, бидејќи глушецот беше од безбедносен ризик“, изјави портпаролот на авиокомпанијата Ојштајн Шмит за АФП. Патниците на летот подоцна биле пренесени во Малага со друг авион.

Авиокомпаниите обично имаат строги ограничувања за глодари во авионите со цел да спречат џвакање на електричните жици.
„Ова е нешто што се случува исклучително ретко. Правиме преглед со нашите добавувачи за да се осигураме дека тоа нема да се повтори“, рекол Шмит.
Жарле Борестад од прва рака го доживеал инцидентот. Во видеото што го снимил, тој  рекол дека глушецот избегал од кутијата со храна што ја отворала жената што седела до него на летот. Борестад рече дека ситуацијата во авионот била многу мирна и дека луѓето „воопшто не биле под стрес“. Сепак, тој рече дека ги ставил чорапите преку панталоните за глувчето да не ползи по неговите нозе.
Ова е втор инцидент поврзан со патување со глодар во една недела. Железничката линија во јужна Англија мораше да биде прекината на средината на патувањето, откако две верверички се качија во вагон.