Полскиот претседател Мариуш Дуда изјави дека неговата земја ги испорачала првите тенкови „леопард 2“ во Украина, што се совпаѓа со првата годишнина од почетокот на руската инвазија. Зборувајќи на состанокот на националниот совет за безбедност, Дуда кажа дека е среќен што Полска е првата земја која ѝ дава напредни тенкови на Украина.

„Премиерот Моравјецки не можеше да биде тука зашто замина за Киев за да ја испорача првата од неколкуте пратки тенкови“, кажа министерот за одбрана Мариуш Блашчак.

Полска најмногу ја притискаше Германија да одобри испраќање тенкови „леопард“ во Украина. Таа вети дека ќе ѝ даде 14 вакви тенкови, но не е познато колку биле испратени во првата тура.

Покрај Германија и Полска, и неколку други европски држави ветија дека ќе ја помогнат украинската војска со модерни тенкови, кои ѝ се неопходни не само за запирање на руското напредување, туку и за противофанзива. Министерот за одбрана Олексиј Резников денеска кажа дека таа е во подготовка.

Во исто време, САД најавија дополнителна воена помош за Украина од две милијарди долари, како и нови санкции за Русија, што вклучува контрола на извозот и тарифи.