Полуголи активисти против климатски промени упаднаа на дебатата за брегзит во британскиот парламент и речиси 20 минути на пратениците им ги покажуваа задниците преку стаклото во јавната галерија.

Пратениците се обидуваа да ја продолжат дебатата за време на мирниот протест на 11-те активисти од групата „Екстинкшн ребелион“, иако некои од нив ги спомнаа во своите говори. Демонстрантите имаа испишани пораки на своето тело, а некои носеа и маски.

Полицијата дојде по 20-ина минути и ја испразни галеријата, изведувајќи ги демонстрантите поединечно, некои и со примена на сила. Подоцна беше соопштено дека се приведени 12 лица за „недолично јавно однесување“.

„Климатските промени е темата што медиумите и власта упорно ја избегнуваат и затоа сакавме да привлечеме внимание за време на кризата околу брегзит“, изјави еден од активистите Марк Овленд.