ПУТИН В ПЕТОК БИ МОЖЕЛ ДА ПРОГЛАСИ АНЕКСИЈА НА ОКУПИРАНИТЕ УКРАИНСКИ ОБЛАСТИ

    ПУТИН В ПЕТОК БИ МОЖЕЛ ДА ПРОГЛАСИ АНЕКСИЈА НА ОКУПИРАНИТЕ УКРАИНСКИ ОБЛАСТИРеферендумите во Луганск, Доњецк, Херсон и Запорожје завршуваат денеска (Фото: АП)

    Владимир Путин в петок ќе се обрати пред двата дома на рускиот парламент кога би можел да објави анексија на окупираните региони во Украина, вели британското министерство за одбрана. Таканаречените референдуми за анексија во Луганск, Доњецк, Херсон и Запорожје завршуваат денеска.

    Руските лидери се надеваат дека секоја најава за припојување ќе се смета за оправдување на специјалната воена операција и ќе ја консолидира патриотската поддршка за конфликтот“, се вели во новиот британски извештај.

    Референдумите во четирите украински региони, кои не се целосно под контрола на руските сили, почнаа во петокот, но во првите четири дена се спроведуваа така што руските војници одеа со гласачки кутии од врата до врата. Денеска ќе се гласа лично на гласачките места, што е побарано од четири милиони луѓе во источните региони Луганск и Доњецк и јужните региони Херсон и Запорожје, кои сочинуваат 15% од територијата на Украина.

    Ако Русија ги присвои овие региони, тоа би можело да доведе до опасна ескалација на војната, бидејќи би можела да тврди дека се напаѓа нејзина суверена територија и тоа со западни оружја. Министерот за надворешни работи Сергеј Лавров потврди дека анектираните области би биле под целосна заштита на Москва.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира