Италија имаше уште еден катастрофален ден во борбата против коронавирусот откако во последните 24 часа починаа 683 луѓе, со што вкупната бројка порасна на 7.503, убедливо најмногу на светот.

Ова, сепак, е помала бројка во однос на вчера, кога имаше 743 мртви.

Во изолација е и шефот на цивилната заштита Анџело Борело, кој секој ден на прес-конференција ја известуваше јавноста за новите бројки.

Во Италија има и 5.210 нови случаи на коронавирус и излекувани се уште 1.036 луѓе. Вкупната бројка заразени досега е 74.386 луѓе.