Спасувачките тимови ги пребаруваат поплавените полиња и заглавените автомобили со надеж дека ќе ги пронајдат оние кои исчезнаа во катастрофалните поплави во шпанскиот регион Валенсија, додека метеоролозите предупредуваат дека ќе има уште врнежи. Досега е потврдено дека загинале 95 луѓе, бројка која стои уште од синоќа.

Локалните власти не сакаат да кажат со колку луѓе не може да се стапи во контакт, но министерката за одбрана Маргарита Роблес изјави дека бројот на загинати несомнено ќе расте.

Поплавите во Валенсија тешко ја погодија регионалната инфраструктура, при што се уништени мостови, патишта, пруги и згради. Околу 80 километри патишта во Валенсија се сериозно оштетени или непроодни, изјави министерот за транспорт Оскар Пуенте.

„Многу луѓе биле блокирани во своите автомобили. За жал, има мртви тела во некои возила“, кажа Пуенте, додавајќи дека ќе бидат потребни две-три недели за да се воспостави брзата железница меѓу Мадрид и Валенсија.

Иако времето денеска се смири околу градот Валенсија, највисокото ниво на тревога е издадено за провинцијата Кастељон и за градот Тарагона во Каталонија.

Интензивниот дожд му се припишува на феноменот познат како gota fría или ладна капка, кој се јавува кога студениот воздух се движи над топлите води на Средоземното Море. Ова создава атмосферска нестабилност бидејќи топлиот, влажен воздух брзо се издига и формира високи, густи облаци способни да истураат силен дожд,