Рускиот заменик-министер за одбрана Дмитри Булгаков е сменет и префрлен на друга позиција, објави министерството за одбрана. На местото на Булгаков дојде генерал-полковникот Михаил Мизинцев, кој раководеше со повеќемесечната опсада на Мариупол, поради што стана познат како „касапот од Мариупол“.

Мизинцев, кој имаше важна улога и во руските воени операции во Сирија, често се нарекува и омилениот генерал на Путин.

Булгаков беше задолжен за воената логистика од почетокот на инвазијата на Украина и неговата смена се сфаќа како казна за последните неуспеси на руската војска.