Поранешниот директор на ФБИ Роберт Милер беше именуван за специјален обвинител во истрагата за руското мешање во претседателските избори во САД минатата година и други поврзани работи, соопшти американското министерство за правда.
Милер (72) беше назначен за директор на ФБИ од поранешниот претседател Џорџ Буш и остана на функцијата 12 години, вклучувајќи добар дел од претседателствувањето на Барак Обама. Тој треба да ги истражи наводните врски меѓу претседателската кампања на претседателот Доналд Трамп и руски оперативци.
