Русија го именуваше актерот Стивен Сигал за специјален пратеник кој треба да работи на подобрувањето на односите со САД.
Сигал доби руско државјанство во 2016 година и го величи Владимир Путин како еден од најголемите светски лидери.
Одлуката ја објави руското Министерство за надворешни работи на своите профили на социјалните мрежи, додавајќи дека ова е слично на улогата на амбасадор на добра волја на Обединетите нации.
„Станува збор за неплатена позиција. Како специјален претставник на Министерството за надворешни работи на Русија, Сигал ќе ги промовира американско-руските односи во хуманитарната сфера“, беше објавено на Твитер.
Сигал, ѕвездата на акционите филмови, е носител и на српското државјанство, откако ја посети оваа земја неколку пати.
