Новоизбраниот американски претседател Џо Бајден и неговата прва соработничка Камала Харис се избрани за Личност на годината од магазинот „Тајм“.

„Тикетот Бајден-Харис претставува нешто историско“, објави „Тајм“ на Твитер.

Во финалниот избор за престижната титула беа и Ентони Фаучи и здравствените работници, движењето за расна правда и Доналд Трамп.

„Џо Бајден и Камала Харис се Личност на годината на ‘Тајм‘ за менувањето на американската приказна, за покажувањето дека силите на емпатијата се поголеми од гневот на поделбата и за споделувањето на визија за заздравување“, образложи главниот уредник на „Тајм“, Едвард Фелсентал.

„Тајм“ избира Личност на годината од 1927 година и лани воведе и неколку други категории, како спортист и бизнисмен на годината.