Републиканскиот претседателски кандидат Доналд Трамп за време на втората претседателска дебата најави дека ако стане претседател на САД ќе именува специјален обвинител за неговата демократска противкандидатка Хилари Клинтон и ќе ја стави во затвор.

„Ќе имаме специјален обвинител“, рече тој за време на втората претседателска дебата синоќа во Сент Луис најавувајќи дека неговата задача би била да ги истражи десетиците илјади електронски пораки што Клинтон ги избришала додека била државна секретарка.

Таа му одговори: „Многу е добро што некој со карактер на Доналд Трамп не е одговорен за владеење на правото во оваа земја“.

„Затоа што ти ќе бидеш во затвор“, ја прекина Доналд Трамп.