По пукањето чија цел беше курдски културен центар во Париз денеска загинаа три лица, а тројца беа ранети, соопштија властите. 69-годишен осомничен е ранет и уапсен. Канцеларијата на париското обвинителство отвори истрага за убиство и обид за убиство.

Парискиот обвинител изјави дека осомничениот неодамна бил ослободен од затвор откако нападнал мигранти кои живееле во шатори и дека инспекторите разгледуваат можен расистички мотив за пукањето.

Шокираните членови на курдската заедница во Париз изјавија дека неодамна биле предупредени од полицијата за закани кон курдски цели и побараа правда по пукањето. Околните жители и трговци беа длабоко потресени од нападот, кој се случи додека Париз врие од празнични активности пред божиќниот викенд.