ТРОМБОЗА МОЖЕ ДА СЕ СМЕТА ЗА МНОГУ РЕДОК НЕСАКАН ЕФЕКТ НА ВАКЦИНАТА НА „ЏОНСОН И ЏОНСОН“, КАЖА ЕВРОПСКАТА АГЕНЦИЈА ЗА ЛЕКОВИ

    ТРОМБОЗА МОЖЕ ДА СЕ СМЕТА ЗА МНОГУ РЕДОК НЕСАКАН ЕФЕКТ НА ВАКЦИНАТА НА „ЏОНСОН И ЏОНСОН“, КАЖА ЕВРОПСКАТА АГЕНЦИЈА ЗА ЛЕКОВИМеѓу седум милиони Американци кои ја примиле оваа вакцина, забележани се осум случаи на тромбоза (Фото: Ројтерс)

    Тромбоза може да се смета за многу редок несакан ефект на ковид вакцината на „Џонсон и Џонсон“, објави Европската агенција за лекови (ЕМА). Таа кажа дека е утврдена можна врска помеѓу оваа вакцина и згрутчување на крвта, но потенцира дека придобивките од вакцината ги надминуваат ризиците.

    Меѓу повеќе од седум милиони Американци кои ја примиле оваа вакцина, од која се дава само една доза, забележани се осум случаи на тромбоза, од кои едно лице починало. Минатата недела, САД, ЕУ и Јужна Африка ја суспендираа вакцината на „Џонсон и Џонсон“ по извештаите дека предизвикала неколку случаи на тромбоза.

    „Тромбоза може да се смета за многу редок несакан ефект на вакцината. Овие случаи во САД се појавиле кај луѓе под 60 години, од кои мнозинството биле жени. Пријавената комбинација на згрутчување на крвта и ниско ниво на тромбоцити е многу ретка и ризиците поврзани со вирусот и натаму се многу поголеми од оние од вакцината“, соопшти ЕМА.

    Во почетокот на овој месец, ЕМА ја даде истата препорака и за вакцината развиена од Оксфорд и „АстраЗенека“. Тоа уследи откако тромбоза се појавила кај 86 меѓу 25 милиони Европејци кои ја примиле оваа вакцина.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира