Холандија ќе ѝ даде 18 американски борбени авиони „Ф-16“ на Украина за да ѝ помогне во војната против Русија, објави владата.
„Денеска го информирав претседателот Зеленски за одлуката на нашата влада да ѝ испорачаме 18 борбени авиони ‘Ф-16‘ на Украина. Испораката на овие авиони е еден од најзначајните елементи од договорите за воена поддршка на Украина“, изјави холандскиот премиер Марк Руте.
Холандија минатиот месец испрати авиони „Ф-16“ во нов тренинг-центар во Романија, каде што се обучуваат украински пилоти.
Данска, Норвешка и Белгија исто така најавија дека ќе ѝ дадат авиони на Украина, откако американската влада даде зелено светло за тоа.
