Пејачот Џорџ Мајкл починал на 53 годишна возраст, објави неговиот издавач.

Ѕвездата што ја почна кариерата со групата „Вам“ во осумдесеттите години од минатиот век, а потоа продолжи со соло настапи починал „мирно во својот дом“ на Божик во јужна Англија.

Полицијата изјави дека нема сомнителни околности за неговата смрт.

Мајкл, кој беше роден како Јорго Киријакос Панајоти во северен Лондон, има продадено над 100 милиони албуми за време на неговата кариера од речиси четири децении.

„Семејството моли да се почитува неговата приватност во овој тежок и емотивен период“, објави издавачот и најави дека засега нема да има дополнителни коментари.